രാശിചക്രം ജ്യോതിഷത്തില്‍

ആധുനിക ജ്യോതിശാസ്ത്രത്തില്‍ നിന്ന് വ്യത്യസ്ഥമായി രാശിചക്രം എന്ന സങ്കല്‍പ്പമാണ് ജ്യോതിഷത്തിനുള്ളതെന്ന് പറഞ്ഞല്ലോ. ഭൂമി സ്ഥിരമായി നില്‍ക്കുകയും രാശിചക്രം ഭൂമിയെ പ്രദക്ഷിണം വയ്ക്കുകയും ചെയ്യുന്നു. ഇതിനെ ത്രിമാനരൂപത്തില്‍ ചിന്തിച്ചാല്‍ എളുപ്പത്തില്‍ മനസിലാക്കാന്‍ കഴിയും.

കിഴക്കു ദിക്കിലേക്ക് നോക്കിനില്‍ക്കുന്നയൊരാളുടെ മുന്‍വശത്ത് രാശികള്‍ ഉദിച്ച് തലയ്ക്കുമുകളിലൂടെ സഞ്ചരിച്ച് പുറകില്‍ പടിഞ്ഞാറുവശത്തായി അസ്തമിക്കുന്നു. ഭൂമി പടിഞ്ഞാറുനിന്ന് കിഴക്കോട്ട് കറങ്ങുന്നതിനാലാണ് ഇങ്ങനെ തോന്നുന്നത്. ഇപ്രകാരം 24 മണിക്കൂറുകൊണ്ട് രാശിചക്രം ഒരു പ്രാവശ്യം കറങ്ങുന്നുണ്ട്.

ഈ രാശിചക്രത്തെ മേടം മുതല്‍ മീനം വരെ 12 സമഭാഗങ്ങളായി വിഭജിച്ചിരിക്കുന്നു. മേടം രാശിയെയാണ് രാശിചക്രത്തിന്റെ തുടക്കമായി കണക്കാക്കിയിരിക്കുന്നത്. കിഴക്കേ ചക്രവാളത്തില്‍ ആദ്യം മേടം രാശി പ്രത്യക്ഷപ്പെട്ട് മുകളിലേക്ക് ഉയരുന്നു. ഏകദേശം രണ്ട് മണിക്കൂറാണ് ഒരു രാശിയുടെ ദൈര്‍ഘ്യം. ഈ സമയം കഴിയുമ്പോള്‍ അടുത്ത രാശിയായ ഇടവം ചക്രവാളത്തിലെത്തും.

1) മേടം 2) ഇടവം 3) മിഥുനം 4) കര്‍ക്കിടകം 5) ചിങ്ങം 6) കന്നി 7) തുലാം 8) വൃഛികം 9) ധനു 10) മകരം 11) കുംഭം 12) മീനം എന്നതാണ് രാശികളുടെ ക്രമം.
ഇങ്ങനെ രാശിയുടെ തുടക്കം ചക്രവാളത്തിലെത്തുമ്പോള്‍ ആ രാശി ഉദിച്ചു എന്നാണ് പറയുക. ഒരു രാശി ഉദിച്ചുകഴിഞ്ഞ് അടുത്ത രാശി ചക്രവാളത്തിലെത്തുന്നതു വരെയുള്ള സമയത്തിനെ രാശി ഉദിച്ചു നില്‍ക്കുന്ന സമയം എന്ന് പറയുന്നു. ഇങ്ങനെ ഉദിച്ചു നില്‍ക്കുന്ന രാശിയെയാണ് ഉദയരാശിയെന്ന് വിളിക്കുന്നത്. രാശി ഉദിച്ചുനില്‍ക്കുന്ന സമയത്തെ രാശിമാനം എന്നു പറയും. സാധാരണ
നാഴിക വിനാഴികകളിലാണ് രാശിമാനം പറയാറുള്ളത്.
60 വിനാഴികകള്‍ ചേര്‍ന്നതാണ് ഒരു നാഴിക. 24 മിനിറ്റാണ് ഒരു നാഴികയെന്നും പറയാം. രണ്ട് നാഴികയും 30 വിനാഴികയും (രണ്ടര നാഴിക) ചേരുന്നതാണ് ഒരു മണിക്കൂര്‍. അപ്പോള്‍ ഒരു മിനിറ്റ് എന്നത് രണ്ടര വിനാഴികയായിട്ടുവരും. 24 മണിക്കൂര്‍ 60 നാഴികയാണല്ലോ അതിനാല്‍ ഒരു ദിവസത്തിന്റെ ദൈര്‍ഘ്യം 60 നാഴികയെന്ന് പറയുന്നു.
ഭൂമിയുടെ വ്യത്യസ്ഥ ഭാഗങ്ങളില്‍ നിന്ന് നോക്കുമ്പോള്‍ രാശി ഉദിച്ചു നില്‍ക്കുന്ന സമയത്തില്‍ ചെറിയ വ്യത്യാസങ്ങളുണ്ടായേക്കാം. സ്ഥലത്തിന്റെ അക്ഷാംശവും രേഖാംശവും അറിഞ്ഞാല്‍ ഓരോ രാശിയും കൃത്യമായി എത്ര സമയം അവിടെ ഉദിച്ചുനില്‍ക്കും എന്ന് കണ്ടുപിടിക്കാനാവും.
ദൂരവ്യത്യാസമുള്ളതിനാല്‍ കേരളത്തില്‍പ്പോലും വിവിധ സ്ഥലങ്ങളിലെ രാശിമാനം ഒരേപോലെയാവില്ല. എങ്കിലും കണക്കു കൂട്ടാനുള്ള സൌകര്യത്തിന് കേരളത്തിന്റെ ഏതാണ്ട്
മദ്ധ്യഭാഗമായ തൃശൂരിലെ രാശിമാനമാണ് പഞ്ചാംഗങ്ങളില്‍ കൊടുത്തിരിക്കുന്നത്. കൃത്യമായ രാശിമാനമാവശ്യമുള്ളവര്‍ക്ക് സ്ഥലത്തിന്റെ അക്ഷാംശ രേഖാംശങ്ങളുടെ സഹായത്താല്‍ അത് ഗണിച്ചെടുക്കാന്‍ കഴിയും.
ഗ്രഹനിലയില്‍ രാശികളെ അടയാളപ്പെടുത്താന്‍ താഴെക്കാണിച്ചിരിക്കുന്നതുപോലെയുള്ള ചതുരമാണുപയോഗിക്കുന്നത്. ഉത്തരേന്ത്യയിലും മറ്റും വൃത്തത്തില്‍ ഗ്രഹനില അടയാളപ്പെടുത്തുന്ന രീതിയും നിലവിലുണ്ട്.

ഗ്രഹങ്ങളേക്കുറിച്ച് ഒരല്‍പ്പം കൂടി

ജ്യോതിഷത്തിലെ നവഗ്രഹങ്ങളെല്ലാം ദിവസവും ഉദിക്കുകയും അസ്തമിക്കുകയും ചെയ്യുന്നുണ്ട്. ഇതിലെ സൂര്യന്‍, ചന്ദ്രന്‍, ശുക്രന്‍ തുടങ്ങിയവയുടെ ഉദയാസ്തമനങ്ങള്‍ നഗ്നനേത്രങ്ങള്‍ കൊണ്ട് നമുക്ക് കാണാന്‍ കഴിയുമല്ലോ. കൂടാതെ ഇവയുടെയൊക്കെ സ്ഥാനവും അനുനിമിഷം മാറിക്കൊണ്ടിരിക്കുന്നു.

ഒരു നിശ്ചിത സമയത്ത് ഈ ഗ്രഹങ്ങളുടെ സ്ഥാനം എവിടെയാണെന്നതിനെ അടിസ്ഥാനമാക്കിയാണ് ജ്യോതിഷത്തില്‍ ഫലപ്രവചനം നടത്തുന്നത്. ഈ സ്ഥാനങ്ങളാണ് രാശിചക്രത്തില്‍ രേഖപ്പെടുത്തുന്നത്. ഇങ്ങനെ ഗ്രഹങ്ങളുടെ തത്സമയത്തെ സ്ഥാനം രേഖപ്പെടുത്തുന്നതുകൊണ്ടാണ് രാശിചക്രത്തിനെ ഗ്രഹനിലയെന്ന് വിളിക്കുന്നത്.

രാശിചക്രത്തിലെ ഗ്രഹങ്ങളുടെ സ്ഥാനങ്ങള്‍ കണ്ടുപിടിക്കാനായി സങ്കീര്‍ണ്ണമായ അനേകം ഗണിതക്രിയകള്‍ ജ്യോതിഷത്തിലുണ്ട്. എങ്കിലും ദൈനംദിനാവശ്യത്തിനായി ഓരോ ദിവസത്തേയും ഗ്രഹങ്ങളുടെ ഗതി കണക്കുകൂട്ടി വച്ചിട്ടുള്ള പഞ്ചാംഗങ്ങള്‍ ഉപയോഗിക്കാറാണ് പതിവ്.

രാശിചക്രത്തെ 12 സമഭാഗങ്ങളായി വിഭജിച്ചിട്ടുണ്ടെന്ന് പറഞ്ഞല്ലോ. ഇവയോരോന്നിനേയും 30 ഡിഗ്രി വീതമായി ഭാഗിച്ചിരിക്കുന്നു. അങ്ങനെ ആകെ 360 ഡിഗ്രിയാണ് രാശിചക്രം. ഈ 12 രാശികളില്‍ത്തന്നെയാണ് നക്ഷത്രങ്ങളും സ്ഥിതിചെയ്യുന്നത്. ഗ്രഹങ്ങള്‍ ഈ 12 രാശികളിലൂടെയും സഞ്ചരിച്ച് ഒരു ഭ്രമണം പൂര്‍ത്തിയാക്കുന്നു.

ഒരു രാശിയിലൂടെ ഗ്രഹങ്ങള്‍ സഞ്ചരിക്കുന്ന ഏകദേശസമയം.
സൂര്യന്‍ - 1 മാസം
ചന്ദ്രന്‍ - 2 1/4 ദിവസം
കുജന്‍ - 49 ദിവസം
ബുധന്‍ - 1 മാസം
ശുക്രന്‍ - 1 മാസം
വ്യാഴം - 361 ദിവസം
ശനി - 2 വര്‍ഷം 5 1/2 മാസം
രാഹു - 1 വര്‍ഷം 6 മാസം
കേതു - 1 വര്‍ഷം 6 മാസം

ഇംഗ്ലീഷ് മാസങ്ങളാണല്ലോ നമുക്കൊക്കെ സുപരിചിതം. കേരളീയ ജ്യോതിഷത്തില്‍ മാസം എന്നാല്‍ ചിങ്ങം, കന്നി, തുലാം, വൃഛികം, ധനു, മകരം, കുംഭം, മീനം, മേടം, ഇടവം, കര്‍ക്കിടകം എന്നീ മലയാള മാ‍സങ്ങളെയാണ് സൂചിപ്പിക്കുന്നത്.

സൂര്യന്‍ ഏത് രാശിയിലൂടെ സഞ്ചരിക്കുന്നുവോ അതിനെ അതാത് മാസമെന്ന് പറയുന്നു. സൂര്യന്‍ ചിങ്ങം രാശിയിലൂടെ സഞ്ചരിച്ചാല്‍ അത് ചിങ്ങമാസം. കന്നിയിലൂടെ സഞ്ചരിച്ചാല്‍ അത് കന്നിമാസം. സൂര്യന്‍ ഒരു രാശിയില്‍ നിന്ന് അടുത്ത രാശിയിലേക്ക് കടക്കുന്ന സമയമാണ് സംക്രമം.

365 1/4 ദിവസം കൊണ്ട് സൂര്യന്‍ രാശിചക്രത്തെ ഒരു തവണ വലം വയ്ക്കും. ഏകദേശം 30 ദിവസമാണ് ഒരു രാശിയില്‍ സൂര്യനുള്ളത്. ചില മാസങ്ങളില്‍ അത് 29 മുതല്‍ 32 ദിവസം വരെയായെന്നും വരാം.

രാത്രി പന്ത്രണ്ടുമണി കഴിയുന്നതോടെ ദിവസം ആരംഭിച്ച് അടുത്ത രാ‍ത്രി 12 മണിയാവുമ്പോള്‍ അവസാനിക്കുന്നതാണ് നാം അനുവര്‍ത്തിച്ചുവരുന്ന രീതി. എന്നാല്‍ ജ്യോതിഷത്തില്‍ ഒരു ദിവസം ആരംഭിക്കുന്നത് സൂര്യോദയത്തോടെയാണ്. അടുത്ത സൂര്യോദയത്തിന് മുന്‍പ് അതവസാനിക്കുകയും ചെയ്യുന്നു.

സൂര്യോദയത്തിന്റെ സമയത്തെ അടിസ്ഥാനമാക്കിയാണ് ജ്യോതിഷത്തിലെ എല്ലാ ഗണിതക്രിയകളും നടത്തുന്നത്. അതിനാല്‍ കൃത്യമായ ഉദയസമയം കണ്ടെത്തേണ്ടത് പ്രവചനങ്ങളില്‍ കൃത്യതയുണ്ടാവാന്‍ അത്യന്താപേക്ഷിതമാണ്. ജാതകന്റെ ജനനസ്ഥലത്തെ ഉദയസമയം അവിടുത്തെ അക്ഷാംശരേഖാംശങ്ങളുടെ സഹായത്താല്‍ കണ്ടെത്തിയാണ് ഗ്രഹനില എഴുതേണ്ടത്.

നക്ഷത്രമെന്താണെന്ന് അറിയേണ്ടേ?

ഒരു കുഞ്ഞ് ജനിച്ചാലുടനെതന്നെ നക്ഷത്രമെന്താണെന്ന് നോക്കുന്നത് പതിവാണല്ലോ. സ്വന്തം നക്ഷത്രം എന്താണെന്നറിയാത്തവരും ഉണ്ടാകില്ല. ജ്യോതിഷത്തില്‍ നക്ഷത്രം അല്ലെങ്കില്‍ നാള്‍ എന്നുപറയുന്നത് എന്താണെന്നാണ് ഈ ലേഖനത്തിന്റെ വിഷയം.

മേടം, ഇടവം തുടങ്ങിയ 12 രാശികള്‍ ചേര്‍ന്നതാണ് രാശിചക്രമെന്ന് അറിയാമല്ലോ. ഇതേ രാശിചക്രത്തെത്തന്നെ 27 സമഭാഗങ്ങളായി വിഭജിച്ചാല്‍ കിട്ടുന്ന ഓരോ ഭാഗത്തേയും ഓരോ നക്ഷത്രമെന്ന് പറയുന്നു. മേടം മുതല്‍ വലത്തോട്ടാണ് രാശിചക്രത്തില്‍ നക്ഷത്രങ്ങള്‍ തുടങ്ങുന്നത്.

മേടം മുതല്‍ 12 രാശികളിലായി അശ്വതി തുടങ്ങി 27 നക്ഷത്രങ്ങളെ വിന്യസിച്ചിരിക്കുന്നു. ഓരോ രാശിയിലും രണ്ടേകാല്‍ നക്ഷത്രം വീതമാണുള്ളത്. നക്ഷത്രങ്ങളെ സൂചിപ്പിക്കാന്‍ അവയുടെ പേരിന്റെ ആദ്യാക്ഷരമാണ് 
നക്ഷത്രങ്ങളുടെ ക്രമം ഇങ്ങനെയാണ്

1. അശ്വതി, 2. ഭരണി, 3. കാര്‍ത്തിക, 4. രോഹിണി, 5. മകയിരം, 6. തിരുവാതിര, 7. പുണര്‍തം, 8. പൂയം, 9. ആയില്യം, 10. മകം, 11. പൂരം, 12. ഉത്രം, 13. അത്തം, 14. ചിത്തിര, 15. ചോതി, 16. വിശാഖം, 17. അനിഴം, 18. തൃക്കേട്ട, 19. മൂലം, 20. പൂരാടം, 21. ഉത്രാടം, 22. തിരുവോണം, 23. അവിട്ടം, 24. ചതയം, 25. പൂരുരുട്ടാതി, 26. ഉത്രട്ടാതി, 27. രേവതി

ഓരോ രാശിയിലുമുള്ള നക്ഷത്രങ്ങള്‍
ഓരോ ഗ്രഹവും രാശിയുടെ ഏതേതു ഭാഗങ്ങളില്‍ നില്‍ക്കുന്നുവെന്ന് കണ്ടുപിടിക്കാനുള്ള ഗണിതരീതികള്‍ ജ്യോതിഷത്തിലുണ്ടെന്ന് പറഞ്ഞല്ലോ. അതുപോലെതന്നെ ഒരു നിശ്ചിത സമയത്ത് ഓരോ ഗ്രഹവും ഏത് നക്ഷത്രത്തിലൂടെയാണ് സഞ്ചരിക്കുന്നതെന്നും കണ്ടുപിടിക്കാം. സാധാരണ ഇത്തരം നക്ഷത്രസ്ഥിതികളും പഞ്ചാംഗത്തില്‍ ഉണ്ടായിരിക്കും.


എല്ലാഗ്രഹങ്ങളും ഓരോ നക്ഷത്രങ്ങളിലൂടെ സഞ്ചരിക്കുന്നുണ്ടെങ്കിലും അവയില്‍ ചന്ദ്രന്റെ സ്ഥാ‍നം ജ്യോതിഷത്തില്‍ വളരെ പ്രധാനപ്പെട്ടതാണ്. സൂര്യന്‍ ഏകദേശം 30 ദിവസം (ഒരു മാസം) കൊണ്ട് ഒരു രാശിയിലൂടെ കടന്നുപോകുന്നുണ്ടെന്ന് പറഞ്ഞല്ലോ. ചന്ദ്രന് ഒരു രാശിയിലൂടെ കടന്നുപോകാന്‍ 27 ദിവസമാണ് വേണ്ടിവരുന്നത്.

അതായത് രാശിചക്രത്തെ 27 ആയി ഭാഗിച്ചതിലെ ഒരു ഭാഗമായ ഒരു നക്ഷത്രത്തിലൂടെ കടക്കാന്‍ ചന്ദ്രന് ഏകദേശം ഒരു ദിവസം (24 മണിക്കൂര്‍ / 60 നാഴിക) വേണം. ചന്ദ്രന്‍ ഓരോ നക്ഷത്രത്തിലും എപ്പോഴൊക്കെയാണ് കടക്കുന്നത് എന്ന് കണ്ടുപിടിക്കാനുള്ള ഗണിതക്രിയകളും നിലവിലുണ്ട്. സൂര്യന്റെ ഉദയാസ്തമനങ്ങളുമായി ചന്ദ്രന്റെ ഈ സഞ്ചാരത്തിന് ബന്ധമൊന്നുമില്ല എന്നകാര്യം ഇവിടെ ഓര്‍ക്കേണ്ടതാണ്.

ഒരു കുട്ടിയുടെ ജനനസമയത്ത് ചന്ദ്രന്‍ ഏതു നക്ഷത്രത്തിലൂടെയാണ് സഞ്ചരിക്കുന്നത്; ആ നക്ഷത്രമാണ് കുട്ടിയുടെ നാള്‍ അല്ലെങ്കില്‍ ജന്മ നക്ഷത്രം.

പഞ്ചാംഗം നോക്കാന്‍ പഠിക്കാം

പഞ്ചാംഗമെന്നാല്‍ ആഴ്ച, നക്ഷത്രം, തിഥി, കരണം, നിത്യയോഗം എന്നീ അഞ്ച് അംഗങ്ങള്‍ ചേര്‍ന്നത് എന്നര്‍ത്ഥം.

ഗ്രഹങ്ങളുടേയും നക്ഷത്രങ്ങളുടേയും ചലനങ്ങള്‍ കണ്ടുപിടിക്കാന്‍ അനേകം ഗണിത രീതികള്‍ ജ്യോതിഷത്തിലുണ്ടെന്ന് അറിയാമല്ലോ. എല്ലാദിവസവും ഇവയൊക്കെ കണക്കുകൂട്ടിയെടുക്കുന്നത് വളരെ ദുഷ്കരമാണ്. തന്മൂലം ഗണിതത്തില്‍ പാണ്ഡിത്യമുള്ള വിദഗ്ദര്‍ ചേര്‍ന്ന് ഒരു വര്‍ഷത്തേക്കുള്ള കണക്കുകള്‍ മുന്‍കൂട്ടി ഗണിച്ച് പഞ്ചാംഗരൂപത്തില്‍ പ്രസിദ്ധീകരിക്കുന്നു.
ഇത്തരത്തില്‍ ഗവര്‍മെന്റ് അംഗീകരിച്ചും അല്ലാതെയും തയാറാക്കുന്ന അനേകം പഞ്ചാംഗങ്ങള്‍ നിലവിലുണ്ട്. കൂടാതെ നൂറിലധികം വര്‍ഷത്തെ കണക്കുകള്‍ ഒന്നിച്ചുള്ള ശതവര്‍ഷപഞ്ചാംഗവുമുണ്ട്. മലയാള പഞ്ചാംഗങ്ങളില്‍ പുതുവര്‍ഷം തുടങ്ങുന്നത് ചിങ്ങമാസത്തോടെയാണ്. ഇംഗ്ലീഷ്, മലയാളം, ശക, കലി, മുഹമ്മദീയ തുടങ്ങി മിക്കവാറുമെല്ലാ വര്‍ഷഗണനരീതികളും പഞ്ചാംഗത്തിലുണ്ടാകും.

സൂര്യന്‍ മുതലായ ഗ്രഹങ്ങള്‍ ദിവസവും രാശിചക്രത്തിലൂടെ സഞ്ചരിക്കുന്ന ദൂരം നല്‍കുന്ന പേജ്. ഉദയ സമയത്തെ സ്ഫുടങ്ങളാണിവിടെ കൊടുത്തിരിക്കുന്നത്.

ഇടതുവശത്ത് മലയാളം തീയതിയും വലത്തോട്ട് ഓരോ ഗ്രഹങ്ങളുടെ സ്ഫുടവും ഉണ്ട്. സൂര്യന്‍ 3 29 48 രാ: ഭാ: ക: എന്നെഴുതിയാല്‍, ഒന്നാം തീയതി ഉദയത്തിന് രവി 3 രാശി 29 ഭാഗ 48 കല (3 എസ് 29 ഡിഗ്രി 48 മിനിറ്റ്) സഞ്ചരിച്ചു എന്നര്‍ത്ഥം.




ഇവിടെ ഉദയം മുതല്‍ അസ്തമനം വരെയുള്ള സമയം (ദിനമാനം), അന്നത്തെ ഉദയവും അസ്തമനവും തുടങ്ങിയവ കൊടുത്തിരിക്കുന്നു. ഉദയാസ്തമങ്ങള്‍ മണിക്കൂര്‍ മിനിറ്റിലും, ദിനമാനം നാഴികവിനാഴികകളിലുമാണ് രേഖപ്പെടുത്തിയിരിക്കുന്നത്.


ഓരോ ഗ്രഹങ്ങളും ഏതൊക്കെ ദിവസങ്ങളിലാണ് ഒരു രാശിയില്‍ നിന്നും മറ്റൊരു രാശിയിലേക്ക് കടക്കുന്നതെന്ന് ഇവിടെപ്പറയുന്നു.

ഗ്രഹങ്ങളുടെ മൌഢ്യം, വക്രം എന്നിവ ഇവിടെ കാണാം.

ഓരോ ദിവസത്തേയും കാര്യങ്ങളറിയാന്‍ സാധാരണ പരിശോധിക്കുന്ന പേജാണിത്.

പേജിന്റെ മുകളില്‍ വര്‍ഷവും മാസവും കൊടുത്തിട്ടുണ്ട്. അതിനു തൊട്ടുതാഴെ എപ്പോള്‍ ‍ഏതുസമയത്താണ് ഈ മാസമായ മകരം തുടങ്ങിയതെന്ന് വിശദീകരിച്ചിരിക്കുന്നു. മകരരവിസംക്രമം എന്നാല്‍ മകരത്തിലേക്ക് സൂര്യന്‍ കടന്ന സമയം. ഒരു രാശിയിലേക്ക് സൂര്യന്‍ കടക്കുമ്പോഴാണല്ലോ ആ മാസം ആരംഭിക്കുന്നത്.

ഇടതുവശത്ത് ഇംഗ്ലീഷ് തീയതിയും മാസവും കൊടുത്തിരിക്കുന്നു. അവിടെ ഫെബ്രുവരി 12 ഏറ്റവും താഴെ കാണാം. അടുത്ത കോളത്തില്‍ ശകമാസമാണ് കൊടുത്തിരിക്കുന്നത്. അതിനടുത്തത് മലയാളമാസം തീയതിയാണ്. ഇന്ന് മകരം 29. അടുത്തത് ആഴ്ച്ച. ആഴ്ച്ചയുടെ പേരിന്റെ ആദ്യാക്ഷരമാണ് ഇവിടെ കൊടുത്തിരിക്കുന്നത്. ‘കു’എന്നാല്‍ കുജവാരം. അതായത് ചൊവ്വാഴ്ച്ച.(ര - ഞായര്‍, ച - തിങ്കള്‍, കു - ചൊവ്വ, ബു - ബുധന്‍, ഗു - വ്യാഴം, ശു - വെള്ളി, മ - ശനി)
അടുത്ത കോളത്തില്‍ നക്ഷത്രമാണ് നല്‍കിയിരിക്കുന്നത്. ഇവിടേയും നക്ഷത്രത്തിന്റെ പേരിന്റെ ആദ്യാക്ഷരമാണ് കൊടുത്തിരിക്കുന്നത്. ഇവിടെ ‘അ’ എന്നാല്‍ അശ്വതി. അത്തം, അനിഴം, അവിട്ടം എന്നിവയുടേയും ആദ്യാക്ഷരം ‘അ’ ആണെങ്കിലും ഇവിടെ സൂചിപ്പിക്കുന്നത് അശ്വതിയെയാണെന്ന് ഇതിനു മുന്‍പും പിന്‍പുമുള്ള നക്ഷത്രങ്ങളെ നോക്കുകയും നക്ഷത്രങ്ങളുടെ ക്രമം ഓര്‍ക്കുകയും ചെയ്താല്‍ മനസിലാകും.

‘അ’ 51 36 എന്നതിന്റെ അര്‍ത്ഥം, അന്ന് സൂര്യനുദിച്ച് 51 നാഴികയും 36 വിനാഴികയും കഴിഞ്ഞാല്‍ അശ്വതി നക്ഷത്രം കഴിഞ്ഞ് ഭരണി ആരംഭിക്കുമെന്നാണ്. അല്ലെങ്കില്‍ ആ സമയത്ത് ചന്ദ്രന്‍ ഭരണിയിലേക്ക് കടക്കുമെന്നാണ്. (ഭരണി നക്ഷത്രമാണേ)

തിഥിയാണ് അടുത്തത്. ചന്ദ്രന്റെ വൃദ്ധിക്ഷയങ്ങള്‍ക്കനുസരിച്ചാണ് തിഥി പറയുന്നത്. ‘ഷ’ എന്നാല്‍ ഷഷ്ഠി.

കരണങ്ങളാണ് അടുത്ത കോളത്തില്‍. ‘പ’ എന്നാല്‍ പന്നിക്കരണം. കരണത്തിന്റെ പകലും രാത്രിയിലുമുള്ള സമയങ്ങള്‍ ഇവിടെയുണ്ട്. അടുത്തത് നിത്യയോഗം. ‘ശു’ എന്നാല്‍ ശുഭയോഗം.

അടുത്ത പേജില്‍ ഗുളികന്‍ ഓരോ ദിവസവും രാത്രിയിലും പകലും ഉദിച്ച് അസ്തമിക്കുന്ന സമയങ്ങള്‍ കാണാം.

തിഥി, കരണം, നിത്യയോഗം, ഗുളികന്‍, ഗ്രഹങ്ങളുടെ മൌഢ്യം, വക്രം എന്നിവയെക്കുറിച്ച് പിന്നീട് വിശദീകരിക്കാം.

താഴെപ്പറയുന്ന കാര്യങ്ങളും സാധാരണ പഞ്ചാംഗത്തില്‍ കാണാം.


അക്ഷാംശമനുസരിച്ചുള്ള സൂര്യാസ്തമനങ്ങള്‍.
ചില പ്രധാനപ്പെട്ട സ്ഥലങ്ങളില്‍ സൂര്യന്‍ ഉദിക്കുകയും അസ്തമിക്കുകയും ചെയ്യുന്ന സമയം.

പ്രധാനപ്പെട്ട സ്ഥലങ്ങളില്‍ ഓരോ രാശികള്‍ക്കുമുള്ള ദൈര്‍ഘ്യം.

ജ്യോതിഷം വിശ്വസിച്ചോളൂ , പക്ഷെ ചൂഷണം ഒഴിവാക്കൂ, യുക്തി ഉപയോഗിക്കൂ …

• ജ്യോതിഷത്തിന്റെ പേരില്‍ നടക്കുന്ന കബളിപ്പിക്കല്‍ ഒഴിവാക്കാന്‍ അടിസ്ഥാന ജ്യോതിഷ വിവരങ്ങള്‍ താഴെ കൊടുക്കുന്നു ……
•   കേരളത്തില്‍ പൊതുവായി  നടന്നു വരുന്ന ജ്യോതിഷ കച്ചവടങ്ങളിലേക്ക്  പോകും മുന്‍പ്  വീട്ടിലെ മുതിര്‍ന്നവരും  ചെറുപ്പക്കാരും  ഒരേ പോലെ അടിസ്ഥാന പ്രമാണങ്ങള്‍ എങ്കിലും മനസിലാകൂ …വിശ്വാസങ്ങള്‍ ഉപേക്ഷിക്കണമെന്ന് അല്ല, ചൂഷണത്തിന് വിധേയരാകരുതെന്നു അപേക്ഷിക്കുന്നു. 
• 
  
• ഗ്രഹസ്ഥിതി സ്വയം മനസ്സിലാക്കാം
• അഭ്യസ്ഥവിദ്യര്‍ക്കും സ്വന്തം ഗ്രഹനില മനസ്സിലാക്കാന്‍ ബുദ്ധിമുട്ടു തോന്നാം. അറിവിന്റെ കുറവല്ല. ജ്യോതിഷത്തിലെ ചില അത്യാവശ്യ കാര്യങ്ങളെക്കുറിച്ച് ധാരണയില്ലാത്തതുമൂലമാണ് മലയാളക്കരയിലെ നക്ഷത്രജ്യോതിഷത്തിലെ ചില അത്യാവശ്യം കാര്യങ്ങള്‍ ചുവടെ കൊടുക്കുന്നു.
• നക്ഷത്രങ്ങള്‍ (27)
• അശ്വതി, ഭരണി, കാര്‍ത്തിക, രോഹിണി, മകയിരം തിരുവാതിര, പുണര്‍തം, പൂയം, ആയില്യം, മകം, പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരുരുട്ടാതി, ഉത്തൃട്ടാതി, രേവതി.
• രാശികള്‍ (12)
• മേടം, ഇടവം, മിഥുനം, കര്‍ക്കിടകം, ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം.
• 27 നക്ഷത്രങ്ങളും 12 രാശികളിലാണ് ഗ്രഹനിലയില്‍ നിലകൊള്ളുന്നത്. ഒരു രാശിയില്‍ രണ്ടേകാല്‍ നക്ഷത്രം വരും. ഉദാഹരണത്തിന് അശ്വതി, ഭരണി, കാര്‍ത്തികയുടെ ആദ്യത്തെ കാല്‍ഭാഗവും കൂടി മേടം രാശിയിലാണ്. ഈ രാശിയെ നക്ഷത്രം സ്ഥിതി ചെയ്യുന്ന രാശിയെ കൂറെന്നും പറയും. നക്ഷത്രസൂചന ’ച എന്ന അക്ഷരം കൊണ്ട് മനസ്സിലാക്കാം.
• ഗ്രഹങ്ങള്‍ 9 എണ്ണം  (ഗ്രഹനിലയിലെ അടയാളം)
• സൂര്യന്‍, ചന്ദ്രന്‍, ചൊവ്വ, ബുധന്‍, വ്യാഴം, ശുക്രന്‍, ശനി, രാഹു, കേതു. ഇതിനു പുറമെ കേരളത്തില്‍ ഗുളികന്‍ എന്ന ഗ്രഹത്തെ കൂടി രാശി ഉള്‍പ്പെടുത്തുന്നു. ഇതില്‍ ഓരോന്നും താഴെ പറയുന്ന രീതിയില്‍ രാശിയില്‍ കാണും.
• സൂര്യന്‍ – ര
• ചന്ദ്രന്‍ – ച
• ചൊവ്വ – കു
• ബുധന്‍ – ബു
• വ്യാഴം – ഗു
• ശുക്രന്‍  – ശു (ഋ) ചില സ്ഥലങ്ങളില്‍ (ഋ) എന്ന് നല്‍കും.
• ശനി – മ (ശ) ചിലപ്പോള്‍ ’മ യ്ക്ക് പകരം ’ശ എന്നും ഉപയോഗിക്കും.
• രാഹു – സ
• കേതു – ശി
• ഗുളികന്‍ – മാ
• വലത് വശത്ത് കാണിച്ച രീതിയിലാണ് ഗ്രഹനിലയില്‍ നവഗ്രഹങ്ങള്‍ സൂചിപ്പിക്കുന്നത്. ഒരാള്‍ ജനിക്കുന്ന സമയം അടിസ്ഥാനമാക്കിയാണ് ലഗ്നം കണക്കാക്കുന്നത്. ലഗ്നത്തിന് ഗ്രഹനിലയില്‍ ’ല എന്ന് സൂചിപ്പിക്കും. ല- ലഗ്നം ഒന്ന് അതു മുതല്‍ വലത്തോട്ടുള്ള ഓരോ രാശിയും യഥാക്രമം രണ്ട് മുതല്‍ പന്ത്രണ്ടു വരെയാണ്. ഒരു ഗ്രഹം ഏതു രാശിയില്‍ എത്രാമത് നില്‍ക്കുന്നു എന്നത് ലഗ്നം മുതലുള്ള കണക്കു കൂട്ടലുകളിലൂടെ അറിയാം.
• ഗ്രഹനിലയില്‍ മൊത്തം 12 രാശികളാണ് ഉള്ളത്.
• രാശികളുടെ ക്രമം :മീനം, മേടം, ഇടവം, മിഥുനം, കുംഭം, കര്‍ക്കിടകം, മകരം, ചിങ്ങം , കന്നി,  തുലാം,  വൃശ്ചികം , ധനു                                                  
• രാശി മനസ്സിലാക്കിയാല്‍ ഒരു ഗ്രഹനിലയില്‍ ഈ ഗ്രഹം ഇന്ന രാശിയിലാണെന്ന് മനസ്സിലാകും. ലഗ്നം മുതല്‍ എത്രാമതെന്ന് മനസ്സിലാകുമ്പോള്‍ ലഗ്നത്തിന്റെ എത്രാമത്തെ രാശിയിലെന്നും മനസ്സിലാകും. ഉദാഹരണത്തിന് സാധാരണ ഏഴില്‍ ചൊവ്വ എന്ന് പറഞ്ഞാല്‍ ലഗ്നം മുതല്‍ ഏഴാം രാശിയില്‍ ’കു (കുജന്‍ – ചൊവ്വ) നില്‍ക്കുന്നുവെന്ന് മനസ്സിലാക്കാം. പന്ത്രണ്ടാം വ്യാഴം എന്ന് പറഞ്ഞാല്‍ ലഗ്നത്തിന്റെ തൊട്ടുമുന്‍പുള്ള 12-ാം രാശിയില്‍ വ്യാഴം നില്‍ക്കുന്നുവെന്നും മനസ്സിലാക്കാം.
• ജന്മശിഷ്ടം അഥവാ ശിഷ്ടദശ
• അശ്വതി, മകം, മൂലം    – കേതു     – 7 വര്‍ഷം
• ഭരണി, പൂരം, പൂരാടം    – ശുക്രന്‍    – 20 വര്‍ഷം
• കാര്‍ത്തിക, ഉത്രം, ഉത്രാടം    – സൂര്യന്‍    – 6 വര്‍ഷം
• രോഹിണി, അത്തം, തിരുവോണം     – ചന്ദ്രന്‍     – 10 വര്‍ഷം
• മകയിരം, ചിത്തിര, അവിട്ടം      – ചൊവ്വ    – 7 വര്‍ഷം
• തിരുവാതിര, ചോതി ചതയം      – രാഹു     – 18 വര്‍ഷം
• പുണര്‍തം, വിശാഖം, പൂരുരുട്ടാതി    – വ്യാഴം     – 16 വര്‍ഷം
• പൂയം, അനിഴം, ഉത്തൃട്ടാതി    – ശനി    – 19 വര്‍ഷം
• ആയില്യം, കേട്ട, രേവതി      – ബുധന്‍     – 17 വര്‍ഷം
• അശ്വതി മുതല്‍ മുമ്മൂന്ന് നക്ഷത്രങ്ങളില്‍ ആര് ജനിച്ചാലും അതിന്റെ വലതുഭാഗത്തുള്ള ദശയിലായിരിക്കും ജനിക്കുക. ഉദാഹരണത്തിന് ആയില്യം, കേട്ട, രേവതിക്കാര്‍ ജനിക്കുമ്പോഴുള്ള ആദ്യത്തെ ദശ ബുധദശയാണ്. ഈ ശിഷ്ട ദശയറിഞ്ഞാലേ തങ്ങള്‍ക്ക് ഇപ്പോള്‍ ഏത് ദശയാണെന്ന് അറിയാന്‍ കഴിയൂ. ഉദാഹരണത്തിന് മൂലത്തില്‍ ജനിച്ച ആളിന്റെ ആദ്യദശ കേതുവാണല്ലോ. ഒരാള്‍ ജനിച്ചപ്പോള്‍ കേതു അഞ്ച് വയസ്സ് ശിഷ്ടദശയായി ഉണ്ടെങ്കില്‍, ഇപ്പോള്‍ 55 വയസ്സുള്ള ആ ആളിന്റെ ദശ ഏതായിരിക്കും. കേതു 5 + ശുക്രന്‍ 20 + സൂര്യന്‍ 6 + ചന്ദ്രന്‍ 10 + ചൊവ്വ 7 + രാഹു 18 = 66. ഈ ആളിന് 48 വയസ്സുമുതല്‍ 66 വരെ രാഹുദശയെന്ന് മനസ്സിലാക്കാം. ഓരോ ദശയും എത്ര വര്‍ഷമെന്ന് മുകളിലത്തെ ചാര്‍ട്ടിലുണ്ട്.
• നക്ഷത്രങ്ങളും കൂറും
• വര്‍ഷഫലം മാസഫലം, വാരഫലം, ഗോചരഫലം, ജാതകപ്പൊരുത്തം തുടങ്ങിയവയില്‍ കൂറ് ഏതെന്ന് ചോദിച്ചാല്‍ പലര്‍ക്കും ഒരു സംശയം. സംശയനിവാരണത്തിനായി കൂറിന്റെ ജന്മരാശിയുടെ പട്ടിക താഴെ നല്‍കുന്നു. ’ച എന്ന് കാണിച്ചിരിക്കുന്ന രാശിയാണ് കൂറ്. ’ച മേടത്തിലാണെങ്കില്‍ മേടക്കൂറ്.
• കാര്‍ത്തിക, മകയിരം, പുണര്‍തം, ഉത്രം, ചിത്തിര, വിശാഖം, ഉത്രാടം, അവിട്ടം, പൂരുരുട്ടാതി എന്നീ നക്ഷത്രങ്ങള്‍ രണ്ട് കൂറില്‍ വരാവുന്നതാണ്. ഈ നക്ഷത്രക്കാര്‍ അവരവരുടെ ജന്മനക്ഷത്രത്തിന്റെ സ്ഥിതി നിശ്ചയപ്പെടുത്തി ’കൂറ് ഇന്നതാണെന്ന് ഉറപ്പാക്കണം. കൂറ് തെറ്റിയാല്‍ വിശേഷിച്ചും തല്‍ക്കാല ഫലം തെറ്റും. ഗ്രഹനിലയില്‍ ’ച രേഖപ്പെടുത്തിയിരിക്കുന്ന രാശിയുടെ പേരുതന്നെയാണ് അവരവരുടെ കൂറ്.
• നക്ഷത്രങ്ങള്‍
• കൂറ്
• മേടക്കൂറ്        – അശ്വതി, ഭരണി, കാര്‍ത്തിക ആദ്യപാദ ജനനം
• ഇടവക്കൂറ് – കാര്‍ത്തിക അവസാന മുക്കാലും രോഹിണിയും മകയിരത്തിന്റെ ആദ്യ പകുതിയും
• മിഥുനം – മകയിരത്തിന്റെ രണ്ടാം പകുതിയും തിരുവാതിരയും പുണര്‍തത്തിന്റെ ആദ്യ മുക്കാല്‍ ഭാഗവും
• കര്‍ക്കടകം – പുണര്‍തത്തിന്റെ അവസാന പാദവും പൂയം, ആയില്യവും
• ചിങ്ങം – മകം, പൂരം, ഉത്രത്തിന്റെ ആദ്യ പാദം
• കന്നിക്കൂറ് – ഉത്രത്തിന്റെ ഒടുവിലത്തെ മുക്കാല്‍ഭാഗം, അത്തവും ചിത്തിരയുടെ ആദ്യ പകുതിയും
• തുലാക്കൂറ് – ചിത്തിരയുടെ രണ്ടാം ഭാഗവും ചോതിയും വിശാഖത്തിന്റെ ആദ്യത്തെ മുക്കാല്‍ഭാഗവും
• വൃശ്ചികം – വിശാഖത്തിന്റെ അവസാനപാദവും, അനിഴം, തൃക്കേട്ടയും
• ധനു – മൂലം, പൂരാടവും, ഉത്രാടത്തിന്റെ ആദ്യ പാദവും.
• മകരം – ഉത്രാടത്തിന്റെ അവസാന മുക്കാലും തിരുവോണവും അവിട്ടത്തിന്റെ ആദ്യപകുതിയും.
• കുംഭം  – അവിട്ടത്തിന്റെ രണ്ടാം പകുതിയും ചതയവും പൂരുരുട്ടാതിയുടെ ആദ്യ മുക്കാല്‍ഭാഗവും.
• മീനം – പൂരുരുട്ടാതിയുടെ അവസാന കാല്‍ഭാഗവും ഉത്തൃട്ടാതിയും രേവതിയും.
• ഗോചരഫലം
• ഏഴരാണ്ടശനി, അഷ്ടമശനി, കണ്ടകശനി എന്നൊക്കെ കേള്‍ക്കാറുണ്ടല്ലോ. ഗ്രഹനിലയില്‍ നക്ഷത്രസൂചകമായ ’ച നില്‍ക്കുന്ന രാശിയുടെ മുന്‍പിലും പിന്‍പിലും ആ രാശിയിലും 12 – 01 – 02 രാശികളില്‍ ശനി നില്‍ക്കുന്ന കാലത്തെയാണ് ഏഴരാണ്ട ശനിയെന്ന് പറയുന്നത്. ശനി ഒരു രാശിയില്‍ സാധാരണ രണ്ടര വര്‍ഷം നില്‍ക്കും. 2ഝ 3 = 7ഝ. അതാണ് ഏഴരാണ്ടശനി. അതുപോലെ ജന്മരാശിയുടെ – (അതായത് ’ച നില്‍ക്കുന്ന രാശിയെയാണ് ജന്മരാശി – കൂറ് എന്നു പറയുന്നത്.) നാലിലും ഏഴിലും പത്തിലും ശനി നില്‍ക്കുന്നത് കണ്ടകശനി. എട്ടില്‍ നില്‍ക്കുന്നത് അഷ്ടമശനി. ഗ്രഹനിലയിലെ ഗ്രഹസ്ഥിതി മാറുന്നതല്ലല്ലോ. നാം ജനിച്ച സമയത്തുള്ള ഗ്രഹസ്ഥിതി. എന്നാല്‍ നവഗ്രഹങ്ങള്‍ സ്ഥിരമായി ഒരിടത്തും നില്‍ക്കുന്നതുമല്ലല്ലോ. അതു സഞ്ചരിച്ചു കൊണ്ടേയിരിക്കും. അതിന്റെ സഞ്ചാരവേളയില്‍ നമുക്കു ഗുണവും ദോഷവും വരുത്താന്‍ കഴിയും വിധം അവയുടെ സ്വാധീനം ഉണ്ടാകും. ദോഷം വരുത്താവുന്ന രീതിയിലുള്ള ഗ്രഹസ്ഥിതി താല്‍ക്കാലികമായി വരുമ്പോഴാണ് ചിലപ്പോള്‍ അചിന്ത്യമായ ദോഷങ്ങള്‍ വന്നു ഭവിക്കുന്നത്. ഗോചരാല്‍ ഫലവും ഭഗാഫലവും രണ്ടാണ്. ശിഷ്ടദശ മുതല്‍ നമ്മുടെ പ്രയത്നത്തിനനുസരിച്ച് കൃത്യമായി നമുക്ക് വന്നു ചേരുന്ന ദശയുടെ ഫലമാണ് ദശാഫലം. ഒപ്പം സഞ്ചാരികളായ ഗ്രഹങ്ങള്‍ താല്‍ക്കാലികമായി സംഭവിപ്പിക്കുന്ന ഗുണദോഷമാണ് ഗോചരഫലം.
• അംശകം
• മേടം മുതല്‍ ഉള്ള രാശികളെ ഒന്‍പതായി ഭാഗിച്ചാല്‍ ലഭിക്കുന്ന ഒരു ഗ്രഹസ്ഥിതി ഉണ്ട്. നവം എന്നാല്‍ ഒന്‍പത് രാശികളെ ഒന്‍പതായി അംശിക്കുമ്പോള്‍ കിട്ടുന്നത് എന്നര്‍ഥം. ചില ഗ്രഹനിലകളില്‍ പുറത്ത് ’ല മുതല്‍ നവഗ്രഹ സൂചന നല്‍കി നവാംശകം സൂചിപ്പിച്ചിരിക്കും. ചിലതില്‍ ഗ്രഹനില വേറെ, നവാംശകം വേറെ കാണിച്ചിരിക്കും. ഒരു കാര്യത്തിന്റെ ഫലപ്രാപ്തി തിട്ടപ്പെടുത്തുന്നതിന് ആശ്രയിക്കുന്നത് നവാംശകത്തെയാണ്. ആ നിലയ്ക്ക് നവാംശകത്തിന് ഫലപ്രവചനത്തില്‍ പ്രാധാന്യമുണ്ട്.
• 
  
• ജ്യോതിഷം ഒരാള്‍ താല്പര്യമുള്ള അത്യാവശ്യം അറിഞ്ഞിരിക്കേണ്ടത്
• —————————————————————–
• ജനിച്ച തീയതി, മാസം, വര്‍ഷം, സമയം, സ്ഥലം, നക്ഷത്രം, തിഥി, ജനിച്ച ആഴ്ച, ശിഷ്ടദശ, ഗ്രഹസ്ഥിതി, തല്‍ക്കാലത്തെ ദശ, അതില്‍ തന്നെ സ്ത്രീ, പുരുഷന്‍ എന്നത് കൂടാതെ അംശകസ്ഥിതി.
•  ഇത് കൂടാതെ ജ്യോതിഷനെ ഗുരു ആദ്യം പഠിപ്പികുക താല്പര്യപെടത്തവരുടെയും നിര്‍വ്യാജം പ്രണയികുന്നവരുടെയും കാര്യങ്ങള്‍ ജ്യോതിഷവിശകലനം നടത്തിക്കൂടാ  എന്നും , ദക്ഷിണ സ്വയം ആവശ്യപെടുകയും ചെയ്യരുത് എന്നും ആണ് ….അതിനാല്‍ അത്തരക്കാരെ ആദ്യമേ ഒഴിവാക്കുക ………

ദശാകാലം

ജ്യോതിഷം

ജ്യോതിഷം

ജ്യോതിഷം

ജ്യോതിഷം

ജ്യോതിഷം

ജ്യോതിഷം

ജ്യോതിഷം

ജ്യോതിഷം

ജ്യോതിഷം

Nakshatras

Nakshatras

A Nakshatra is one of the 27 divisions of the sky, identified by the prominent star(s) in them, used in Vedic astrology. Historical (medieval) Hindu astrology had various systems of enumerating either 27 or 28 nakshatras. Each nakshatra is divided into quarters or padas of 3°20’:

Nakshathram	Meaning	Sanskrit Name	Ruler
Aswathy (അശ്വതി)	Horse-like-woman	Ashwini (अश्विनी)	Ketu
Bharany (ഭരണി)	Bearer-woman	Bharani (भरणी)	Venus
Karthika (കാർത്തിക)	Cutting woman	Krittika (कृत्तिका)	Sun
Rohini (രോഹിണി)	Red woman	Rohini (रोहिणी)	Moon
Makayiram (മകയിരം)	Head of a deer	Mrigashirsha (म्रृगशीर्षा)	Mars
Thiruvathira (തിരുവാതിര)	Moist One	Ardra (आर्द्रा)	Rahu
Punartham (പുണർതം)	Return of the Light	Punarvasu (पुनर्वसु)	Jupiter
Pooyam (പൂയം)	Nourishing	Pushya (पुष्य)	Saturn
Ayilyam (ആയില്യം)	The embracer	Ashlesha (आश्लेषा)	Mercury
Makom (മകം)	The great one	Magha (मघा)	Ketu
Pooram (പൂരം [puːɾam])	Former reddish one	Purva or Purva Phalguni (पूर्व फाल्गुनी)	Venus
Uthram (ഉത്രം)	Latter reddish one	Uttara or Uttara Phalguni (उत्तर फाल्गुनी)	Sun
Atham (അത്തം)	The hand	Hasta (हस्त)	Moon
Chithira (ചിത്തിര)	The bright one	Chitra (चित्रा)	Mars
Chothy (ചോതി)	Sword or Independence	Swati (स्वाती)	Rahu
Vishakom (വിശാഖം)	Fork shaped(having branches)	Vishaka (विशाखा)	Jupiter
Anizham (അനിഴം)	Disciple of divine spark	Anuradha (अनुराधा)	Saturn
Thrikeeta (തൃക്കേട്ട)	The eldest	Jyeshta (ज्येष्ठा)	Mercury
Moolam (മൂലം)	The root	Moola (मूल)	Ketu
Pooradam (പൂരാടം)	Early Victory or The Undefeated	Purva Ashadha (पूर्वाषाढ़ा)	Venus
Uthradam (ഉത്രാടം)	Latter Victory or latter Undefeated	Uttara Ashada (उत्तराषाढ़ा)	Sun
Thiruvonam (തിരുവോണം)	Hearing	Shravana (श्रवण)	Moon
Avittam (അവിട്ടം)	The richest one	Dhanistha (धनिष्ठा)	Mars
Chathayam (ചതയം)	Hundred healers	Shatabhisaa (शतभिषा) or Shatataraka	Rahu
Pooruruttathy (പൂരുരുട്ടാതി)	Former happy feet	Purva Bhadrapada (पूर्वभाद्रपदा)	Jupiter
Uthrattathy (ഉത്രട്ടാതി)	Latter happy feet	Uttara Bhadrapada (उत्तरभाद्रपदा)	Saturn
Revathy (രേവതി)	The wealthy	Revati (रेवती)	Mercury

Nakshatra Porutham – also known as Dhina Porutham. The nakshatras are catagorized into different Ganams.

Deva Ganam	Manushya Ganam	Asura Ganam
Aswathy	Bharany	Karthika
Makayiram	Rohini	Ayilyam
Punartham	Thiruvathira	Makom
Pooyam	Pooram	Chithira
Atham	Uthram	Vishakom
Chothy	Pooradam	Thrikeeta
Anizham	Uthradam	Moolam
Thiruvonam	Pooruruttathy	Avittam
Revathy	Uthrattathy	Chathayam

GANA PORUTHAMS

Male Ganam	Female Ganam	Result
Manushya Ganam	Deva Ganam	Moderate
Deva Ganam	Manushya Ganam	Matching
Manushya Ganam	Manushya Ganam	Best
Deva Ganam	Deva Ganam	Best
Deva Ganam	Asura Ganam	Very Bad
Asura Ganam	Deva Ganam	Bad or Moderate*

*if other matching parameters are found satisfactory.

Nakshatra	Representing Animal
Aswathy	Male Horse
Bharani	Male Elephant
Karthika	Female goat
Rohini	Snake
Makayiram	Snake
Thiruvathira	Male Dog
Punartham	Female Cat
Pooyam	Female Goat
Ayilyam	Cat
Makom	Rat
Pooram	Rat
Uthram	Bull
Atham	Buffalo
Chithira	Tiger
Chothy	Buffalo
Vishakom	Tiger
Anizham	Deer
Thrikeeta	Deer
Moolam	Dog
Pooradam	Monkey
Uthradam	Mongoose
Thiruvonam	Monkey
Avittam	Lion
Chathayam	Horse
Pooruruttathy	Lion
Uthrattathy	Cow

Horoscope Match Making

Ancient Vedic astrology books provide us with a unique way to check and find marriage compatibility between the birth stars, based on Moon signs astrology, of the bride and groom. It consists of 10 astrological compatibility criteria.

1) Rasi Porutham in astrology match making:
The couple who have rasi compatibility will have a prosperous lineage.

2) Rasiadhipa Porutham in astrological matches:
The couple who have Rasyadhipa compatibility will have psychological unity.

3) Vasya Porutham in Vedic astrology compatibility:
A couple having good Vasya compatibility will care for each other. They will be like made for each other.

4) Mahendra Porutham in marriage match making:
A couple having good Mahendra compatibility will have good and prosperous children.

5) Gana (group) Porutham in astrology match making:
All people are divides it to 3 gana (group). They are namely divine group, human group and satanic group.

6) Yoni (sexual) Porutham in astrology compatibility:
This will determine sexual compatibility between bride and groom.

7) Dina Porutham in horoscope compatibility chart:
This compatibility provides long life span and good health.

8) Sthree Dheerkha Porutham in astrology horoscope compatibility:
This Compatibility indicates an accumulation of wealth after marriage.

9) Rajju Porutham in hindu horoscope Compatibility:
This compatibility provides a long marriage life.

10) Vedha Porutham in marriage compatibility horoscope:
This compatibility will reduce grief.